Өчигдөр орой Нийслэлийн Онцгой байдлын Гал унтраах аравдугаар ангийнхан ажилласнаар Сүхбаатар дүүргийн наймдугаар хорооны 34 дүгээр орон сууцанд гарсан галыг бүрэн унтраалаа. Галыг бүрэн унтраасан тул оршин суугчдыг өчигдөр орой байр луу нь нэвтрүүлжээ.

Оршин суугчдын яриагаар анх тус байрны дөрвөн давхарт орших байранд гал гарсан. Улмаар гал тагт руу нэвтэрч, бусад давхар луу гал нэвчсэн. Айл нь эзгүй байжээ.

Уг байранд нийт 77 айл оршин суудаг бөгөөд 2014 онд ашиглалтад орсон барилга ажээ.