Нийслэлийн Онцгой комиссоос үүрэг болгосны дагуу НОБГ, НМХГ, НЭМГ, НАБТГ-аас өнөөдөр ээлжит мэдээллээ хийлээ. Мэдээллийг нийслэлийн Мэргэжлийн хяналтын газрын дэд дарга С.Даваасүрэн, нийслэлийн Агаарын бохирдолтой тэмцэх газрын мэргэжилтэн Г.Даваажаргал нар хийсэн юм.

Өчигдрийн байдлаар 11 өрхийн нийт 26 хүн угаарын дуудлага өгснөөс 13 нь хүүхэд байжээ.

Мөн түүхий нүүрс түлсэн хувь хүн, байгууллагуудыг илрүүлсэн байна. Үүний зэрэгцээ өнгөрсөн баасан гаригт “Тавантолгой” ХК-ийн сайжруулсан шахмал түлшинд хийсэн ОХУ-ын шинжилгээний хариу ирснийг танилцуулав.

ОХУ-ын лабораторийн шинжилгээний хариу стандартын шаардлага хангаж байна гэж гарсан бөгөөд ахуйд хэрэглэж болно гэсэн хариу ирсэн нь урьд нь манайд хийсэн шинжилгээний хариутай төстэй гарсан.

Иймээс иргэддээ анхааруулахад түлшний асуудал баталгаажлаа. Та бүхэн, зуух яндан, зөв галлагаан дээрээ анхаараарай гэсэн сануулгыг хэлсэн юм.