Ахмадын баярыг тохиолдуулан НИТХ-ын Төлөөлөгч П.Баярхүү өөрийн сонгогдсон тойрог болох Сүхбаатар дүүргийн 17,18,19,20 дугаар хорооныхоо ахмадуудад уламжлал ёсоор хүндэтгэл үзүүлж, 2019 онд хийж хэрэгжүүлсэн ажлаа тайлагналаа. Уулзалтын үеэр ахмадуудынхаа санал бодлыг сонсч, чөлөөт яриа өрнүүллээ.

Уулзалтанд хүрэлцэн ирсэн ахмадууд дүүрэгтээ болон нийслэлд хийгдэж буй ажлуудын талаар санал, бодол цаашид авч хэрэгжүүлэх шаардлагатай ажлуудын талаар саналаа илэрхийлсэн юм. Мөн НИТХ-ын Төлөөлөгч, Тэргүүлэгч П.Баярхүүг иргэдтэйгээ тогтмол уулзалт хийж байдагт талархаад, цаашид ч мөн иргэдийн тулгамдаж буй асуудлуудыг шийдвэрлэх үүднээс харьяа албаны хүмүүстэй уулзуулж асуудлыг нь шийдвэрлэдэг энэ ажлаа үргэлжлүүлж байхыг хүслээ.