Аравдугаар сарын 4-7-ны өдрүүдэд угаарын хийнд хордсон гэх 70 гаруй дуудлага цагдаагийн байгууллагад бүртгэгдэж, 42 хүн хордож, таван хүн нас бараад байгаа.

Тэгвэл өнгөрсөн шөнө буюу аравдугаар сарын 7-8-нд шилжих шөнө угаарын хийнд хордсон гэх арав гаруй дуудлага ирж, 26 иргэн хордсон байдалтай эмнэлэгт хүргэгдсэн байна. Хэргийг цагдаагийн байгууллага шалгаж эхэлжээ.

Нийслэлийн Баянзүрх дүүргийн тавдугаар хороо Моносын ... тоотод бага насны гурван хүүхэд насанд хүрсэн гурван хүн угаарын хийд хордож Яаралтай түргэн тусламжаар Цэргийн төв эмнэлгийн Хордлогын төвд хүргэгдсэн байна. Хордсон иргэдийн хоёрынх нь биеийн байдал хүндэвтэр байгаа аж. Түүнчлэн өчигдөр эмнэлэгт хандсан, хордсон иргэдэд гүйлгэх шинж тэмдэг давхар илэрч эхэлсэн байна.