Өнгөрсөн сарын 16-нд Замын цагдаагийн газрын урдах гүүрэн гарцын үндсэн зам ашиглалтад орсон. Үндсэн замаас салсан, туслах гүүрүүдийг энэ онд багтаан ашиглалтад оруулах юм.

Хот байгуулалт, хөгжлийн газраас шинэ гүүрэнд нэр өгөхөөр иргэдээс санал авч эхэлсэн. Ингэхэд, олон хүн "Сарны гүүр" хэмээн нэрлэх санал гаргажээ. БНХАУ-ын хөнгөлөлттэй зээлээр барьсан тул "Найрамдал гүүр" гэх нь зөв гэсэн бол "Хөгжлийн гүүр", "Олимпийн гүүр", "Соёмбо гүүр", "Паркийн гүүр", "Хадган гүүр" гэсэн санал гаргажээ.