НМХГ-аас төрийн үйлчилгээний болон хувийн хэвшлийн эмнэлгүүдэд хийсэн хяналт, шалгалтын дүнгээ танилцуулж байна.

Нийслэлийн мэргэжлийн хяналтын газраас төрийн болон хувийн 128 эмнэлэгт шалгалт хийжээ.

Хяналт шалгалт үндсэн таван чиглэлээр хийгджээ. Шалгалтаар Хавдар судлалын үндэсний төвд  нүүр амны эмч мэргэжилтэй, клиник лабораторын чиглэлээр мэргэшээгүй хүнийг лабораторын эрхлэгчээр ажиллуулж байсан нь илэрсэн байна.

Энэ талаар Эрүүл мэнд, боловсрол соёлын хяналтын хэлтсийн дарга Д.Цэнд-Аюуш “Мэргэжлийн хяналтын байгууллагын төлөвлөгөөнд тусгагдсаны дагуу нийслэлд үйл ажиллагаа явуулж буй 126 эмнэлэгт хяналт шалгалт хийсэн. Хяналт шалгалт таван чиглэлээр хийгдсэн. Нэгдүгээрт эмчилгээний, хоёрдугаарт эрүүл ахуй халдвар хамгааллын, гуравдугаарт, эм бэлдмэлийн хяналтын чиглэлээр, дөрөвдүгээрт цөм цацрагийн хяналт, тавдугаарт, нийгмийн хамгааллын чиглэлээр шалгалт хийсэн.

Эмчилгээний чанарын шалгалтаар илэрч буй нийтлэг зөрчил нь хүний нөөцийн хангалтын асуудал байна. Тухайлбал, нэг эмчид ногдох сувилагчийн тоо хангалтгүй байна. Хоёрдугаарт, эмч эмнэлгийн мэргэжилтний яаралтай тусламж үзүүлэх байдал хангалтгүй. Гуравдугаарт, эмч эмнэлгийн мэргэжилтнүүд амбулаторийн карт бүрэн хэвшээгүй зөрчил нийтлэг илэрч байна.

Нийслэлийн түргэн тусламжийн төвд тендерийн гэрээгээр нийлүүлэгдсэн анхдагч болон хоёрдогч савлагаанд үйлдвэрлэгчийн нэр тодорхойгүй, чанарын баталгаажилтгүй бээлий нийлүүлсэн зөрчил илэрсэн. Нийлүүлсэн компани нь “Чоногол трейд” байсан." гэв. 

Түүнчлэн  эмнэлгүүдэд нэг эмчид ногдох сувилагчийн тоо дутагдалтай болон эмч, эмнэлгийн мэргэжилтнүүд хүний биед яаралтай тусламж үзүүлэх байдал хангалтгүй, тухайн өвчтөний өвчний түүхийг үнэн зөв бөглөдөггүй гэсэн нийтлэг дутагдлууд илэрчээ.  Тухайлбал, 

• Хүний нөөцийн хангалт их эмч, сувилагчийн харьцаа 1:2.0/ 106 эмнэлэгт  стандартын шаардлагыг хангахгүй.
• Эрэмбэлэн ялгаж, шаардагдах яаралтай тусламж үзүүлж буй байдал 114 эмнэлэгт  хангалтгүй.
• Эмч нар өвчний түүх, хяналтын картыг, сувилагч бусад дунд мэргэжилтэн  анхан шатны бүртгэлийн маягтыг зааврын дагуу цаг хугацаанд нь бүрэн гүйцэд хєтєлж хэвшээгүй, хэрэгжилт  123 эмнэлэгт хангалтгүй.
• Өрхийн үйлчлэх хүрээний хүн амын бүртгэл судалгаа, шилжилт хөдөлгөөнийг шинэчлээгүй байдал 17 эмнэлэгт хангалтгүй байна. 0-2 сар, 2-12 сартай, 1-3 нас, 3-5 насны  хүүхдийг үзлэгт хамруулж,  дүгнэлт бичдэггүй, 13  эмнэлэгт хангалтгүй.
• Апрель” ХХК-ний “Илизаров” эмнэлэг нь тусгай зөвшөөрөлд заагдаагүй лаборатори, рентгений чиглэлээр үйл ажиллагаа явуулж байсан. Ханбатгүн, Анардарь, Зохиомон, Аддиститжаргал, Хийлсхаард, Ачитны увидас, Авецина/СБД/ , Сумади, Соддэлгэц эмнэлгүүд нь орон тооны сувилагчгүй ажиллаж байсан.
• Хавдар судлалын үндэсний төв нь хүний нөөцийн хангалтыг сонгон шалгаруулалт хийгдэхгүйгээр  хөдөлмөрийн гэрээ байгуулж авч ажиллуулсан /25/, Нүүр амны эмч мэргэжилтэй, клиник лабораторийн чиглэлээр мэргэшээгүй хүнийг лабораторийн  эрхлэгчээр ажиллуулсан.
• Цэргийн төв эмнэлгийн ёс зүйн хэсгийн хорооноос эмнэлгийн мэргэжилтний ёс зүйн зөрчлөөс урьдчилан сэргийлэх ажил хийгдээгүй, нэг ч удаа хуралдаагүй, Өргөө амаржих газрын ёс зүйн хэсгийн хороо ёс зүйн зөрчил гаргасан эмч мэргэжилтний асуудлыг дотооддоо авч хэлэлцдэггүй.

ШУУД ХҮЛЭЭН АВЧ ҮЗНЭ ҮҮ: