МХЕГ-ын дэд даргын баталсан 01/240 тоот Ерөнхий боловсролын сургууль, цэцэрлэгийн орчимд худалдаалагдаж буй хүнсний бүтээгдэхүүний нэр төрөл, баталгаажилт, хадгалалт, тээвэрлэлтийн байдалд урьдчилан сэргийлэх хяналт шалгалт хийх удирдамжийн дагуу сургуулийн орчимд байрлан үйл ажиллагаа хүнсний худалдаа үйлчилгээ эрхлэж буй 13 ААН, иргэний үйл ажиллагаанд хяналт шалгалт хийлээ.

Шалгалтаар жижиглэн савласан хүнсний бүтээгдэхүүн болох элсэн чихэр, гурил, будаа/ гэх мэт хүнсний бүтээгдэхүүн нь шошго тавиагүй, дотоод хяналт шалгалтын журам тогтоож мөрдөөгүй зэрэг нийтлэг зөрчил дутагдал илэрлээ. Зөрчилтэй аж ахуйн нэгж байгууллагад торгууль, шийтгэлийн арга хэмжээ авч, албан даалгавар хүргүүллээ.

Мөн сургуулийн ойр орчимд нийтийн эзэмшлийн зам талбайд байрлах ТҮЦ-үүдэд НМХГ-аас гаргасан “Түргэн гэмтэж муудах хүнсний бүтээгдэхүүнийг худалдаалахыг хориглох” стекерийг нааж ажиллалаа.