Сүхбаатарын талбайд 16-27 өдрүүдэд Засгийн газар хийсэн ажлаа танилцуулж, иргэдэд зарим төрийн үйлчилгээг нэг цэгээс үзүүлэхээр нээлттэй хаалганы өдөрлөг зохион байгуулж байна.

Энэхүү өдөрлөгт Татварын албанаас иргэдэд зарим үйлчилгээг үзүүлэн ажиллаж байна. Тухайлал,

• Татварын хуулийн зөвлөгөө
• Татварын удирдлагын нэгдсэн ситемиын танилцуулга
• Хувь хүн, аж ахуйн нэгжүүдэд сургалт, мэдээлэл өгөх
• И-Баримтын зөвлөгөө
• Авто тээвэр болон өөрөө явагч хэрэгслийн албан татвар хураах
• Иргэдийн өргөдөл, гомдлыг хүлээн авч байна.

Монголын татварын алба 2019 оны 8 дугаар сарын байдлаар 968,313 иргэн, 203,082 хуулийн этгээдтэй харилцан улс, орон нутгийн төсөвт 3.8 их наяд төгрөг төвлөрүүлэн, төлөвлөгөөг 105.7 хувиар биелүүлэн ажиллажээ. 

И-баримтад 1,092,537 иргэн холбогдож цахим төлбөрийн баримтаа бүртгүүлж байгаагаас 2019 оны 8 дугаар сарын байдлаар 201,625 иргэн НӨАТ-ын сугалаагаар азтан болж 11.3 тэрбум төгрөгийн тохирол хүлээн авсан байна.