БНХАУ-ын Засгийн газрын урт хугацааны зээлийн хөрөнгөөр хэрэгжиж буй томоохон төслүүдийн нэг болох Туул гол дээгүүрх Баянзүрхийн 321 у/м, 4 эгнээ гүүрийн ажил үргэлжилж байна гэж нийслэлийн Авто замын хөгжлийн газраас мэдээллээ.
Шинэ гүүрийн барилгын ажлын хүрээнд 2019 оны 08-р сарын 03-04-ний хооронд дөрвөн тасалгаат хайрцган дам нурууны 120 у/м хэсгийн доод үе болон хавирган хананы хэсэгт 191 машин 1337 метр куб бетоныг 20 цаг тасралтгүй цутгаж дууслаа. Нийт ажлын явц 69.6 хувьтай байгаа аж.