Чингэлтэй дүүргийн 3 дугаар хорооны Пийс тауэрт байрлах “Мөнх содон” шүдний эмнэлэгт Нийслэлийн Мэргэжлийн хяналтын газраас урьдчилан сэргийлэх хяналт хийж, рентген аппаратыг тусгай зөвшөөрөлгүй худалдан авч, ашиглаж байсан зөрчлийг илрүүлэн, газар дээр нь таслан зогсоож зөрчлийн хэрэг нээж ажиллалаа. 
Тус байгууллагын гаргасан зөрчилд торгох шийтгэл оногдуулан, рентген аппаратын ашиглалтыг 3 сараар түр зогсоож, цацрагийн хамгаалалт, аюулгүй байдлыг хангах, тусгай зөвшөөрөлтэйгээр үйл ажиллагаа эрхлэх талаар эрх бүхий албан тушаалтны албан даалгаврыг хүргүүлж, гарч болзошгүй гэмт хэрэг, зөрчлөөс урьдчилан сэргийллээ.