Чингэлтэй дүүргийн 16 дугаар хороонд улсын төсвийн хөрөнгөөр баригдах 150 ортой хүүхдийн цэцэрлэгийн нөлөөлөлд Согоотын 83, 84 дүгээр гудамжны 8 нэгж талбарын 4448 м2 газар өртсөн бөгөөд иргэдтэй газрыг нөхөх олговортой чөлөөлөхөөр бүрэн зөвшилцөж дууслаа.

Мөн тус газрыг Нийслэлийн Засаг даргын 2019.05.29-ний өдрийн А/512 дугаар захирамжаар нийслэлийн Боловсролын газарт 15 жилийн хугацаатай эзэмшүүлж, бүтээн байгуулалтын ажил хийгдэх нөхцөлөөр хангалаа.