Манай улсад бүртгэгдэж байгаа халаасны хулгайн гэмт хэргийн 17 хувь нийтийн тээвэрт үйлдэгддэг. Тиймээс  Нийслэлийн засаг даргаас нийтийн тээврийн үйлчилгээ үзүүлдэг бүх автобусны камeрыг зургаадугаар сарын нэгний дотор бүрэн ажиллагаанд оруулахыг үүрэг болгосон байна.  Энэ ажлын хүрээнд Улаанбаатар смарт карт ХХК нь Зорчигч Тээврийн нэгдэл 3р баазтай хамтран ажиллах гэрээ байгуулан тус баазын 80 автобусанд суурилуулсан хяналтын камеруудыг  онлайн горимд бүрэн шилжүүлжээ. 

Өөрөөр хэлбэл иргэдийн аюулгүй байдлыг хангах, гэмт хэрэг зөрчлийг илрүүлэх жолоочийн ажил үүргийг хянах, нийтийн тээврийн өдөр тутмын цэвэрлэгээг харах зорилгоор том оврын автобусанд 4 камер, дунд оврын автобусанд 3 камерыг суулгаж, онлайн болгожээ.