Татварын Ерөнхий газраас жил бүрийн тавдугаар сарын хоёр дахь долоо хоногийг татвар төлөгчдийн өдрүүд болгон тэмдэглэдэг. Энэ жил Татвар төлөгчдийн өдрүүдийг тавдугаар сарын 6-аас 10-ны өдрүүдэд "Татвар хөгжлийн үндэс" уриан дор тэмдэглэн өнгөрүүлэхээр болсон байна. 

Энэ жилийн хувьд татвар төлөгчдөө алдаршуулах, олон нийтэд хуулиа сурталчлах, эх орныхоо бүтээн байгуулалт, хөгжил цэцэглэлт, ирээдүй хойчийнхоо төлөө татвараа төлж буй иргэн, аж ахуйн нэгжүүдэд талархах зэрэг олон арга хэмжээг зохион байгуулж байгаа аж.