Нийтийн хоолны газрууд, сургуулийн сурагчид үдийн цайнаасаа хордож байна. Өмнө гарсан хоёр тохиолдолд БНХАУ-аас импортолсон тахиан мах хэрэглэсэн нь эхний байдлаар тогтоогдоод байгаа. Үүнтэй холбоотойгоор нийтийн хоолны салбарт мэргэжлийн хяналтын байцаагчид хэрхэн хяналт тавьдаг асуудал анхаарал татаж байгаа. 

Тиймээс энэ чиглэлээр мэргэжлийн хяналтын байгууллага болон бусад холбогдох төрийн байгууллага, аж ахуйн нэгжүүд хэрхэн ажиллаж буйг эргэн харах зорилгоор өнөөдөр “Нийтийн хоолны үйлчилгээн дэх эрсдэлд суурилсан мэргэжлийн хяналт шалгалт ба аж ахуйн нэгжийн дотоод хяналтыг бэхжүүлэх” сэдэвт хэлэлцүүлгийг АТГ-аас холбогдох байгууллагуудын хамтаар зохион байгууллаа.

Энэ онд нийслэлийн хэмжээнд нийт 315 объектод төлөвлөгөөт хяналт шалгалт хийхээр зарлагдсан​ ба тус ажил 25 хувьтай явж байна. Мөн нийслэлийн хэмжээнд мэргэжлийн хяналтад бүртгэлтэй архи согтууруулах ундааны тусгай зөвшөөрөлтэй түүгээр үйлчлүүлэх нийт 4,008 объект бий.Тэдгээр газрыг аддестатчилах хяналт шалгалтыг бусад харьяа байгууллагуудтай хамтран явуулж байгааг НМХГ-ын улсын ахлах байцаагч Б.Хонгор хэлсэн юм.