Нийслэлийн иргэдэд газар өмчлөх эрхтэй холбоотой хууль, тогтоомжийг сурталчлах, газар өмчлөлийн ажлыг эрчимжүүлэх ажлын хүрээнд иргэдийг оролцуулсан “Газар өмчлөл”сэдэвт өдөрлөгийг өчигдөр Нийслэлийн Үйлчилгээний нэгдсэн төвийн “Дүнжингарав” салбарт зохион байгууллаа.

Тус өдөрлөгөөр нийт 190 гаруй иргэнийг хүлээн авч газар өмчлөл болон газартай холбоотой асуудлаар мэдээлэл зөвлөгөө өглөө.

Иргэдээс ихэвчлэн газар эзэмших эрхийн гэрчилгээ хаанаас, яаж авах, кадастрын зураг зөрсөн, газраа хэрхэн өмчлөх, газрын маргааныг яаж шийдвэрлүүлэх, зуслангийн ногоон бүсийн газраа өмчилж авахыг хүсвэл яах гэх мэт асуудлаар санал хүсэлт ирүүлж байв.