УУХҮЯ-нд

09:30 цагаас "Ил тод, хариуцлагатай уул уурхай" хэвлэлийн бага хурал болно. Хэвлэлийн бага хуралд сайд Д.Сумъяабазар болон яам, агентлагийн газар хэлтсийн дарга нар оролцоно.

Нийслэлийн хэвлэл мэдээллийн төвд

09:30 цагаас Нийслэлийн Хүүхэд, гэр бүлийн хөгжлийн газрын зүгээс хүүхдийн хөгжлийн чиглэлээр зохион байгуулагддаг "Хөгжлийн харандаа экспо 2018", Хүүхдийн баатар Явуу баатарыг танилцуулах хэвлэлийн хурлыг зохион байгуулна.

Corporate convention center-т
09:00-16:30 цагт ХААИС байгуулагдсаны түүхэн 60 жилийн ойд зориулсан “Хөдөө аж ахуйн тогтвортой хөгжилд шинжлэх ухаан, дээд боловсролын гүйцэтгэх үүрэг” сэдэвт олон улсын эрдэм шинжилгээний бага болно.

Чингис зочид буудлын 3 давхарт

09:00-12:00 цагт “Боловсролын салбар дахь ил тод байдал, эгэх хариуцлага” үр дүнгийн чуулган 2 болно. Чуулганы үеэр эцэг эхийн оролцоог нэмэгдүүлэх замаар сурагчдын сурлагын амжилтыг ахиулахад ямар ажлууд хийсэн талаар өөрсдийн сайн туршлагаа хуваалцах болно.

ГЕГ-ын Эрэлч нохойн сургалтын төвд

09:00-15:00 цагт Их Британий Хилийн албаны Эрэлч нохойн үндэсний багийн ерөнхий зааварлагч ноён Роберт Грэй, Их Британий Хилийн албаны CITES–ийн үндэсний багийн орлогч дарга ноён Гай Кларк нар нь энэ оны 10 дугаар сарын 22-ны өдрөөс 30-ны өдрийн хооронд Монгол Улсын Гаалийн ерөнхий газарт албан айлчлал хийж байна. Энэ хүрээнд өнөөдөр Монгол Улсын албаны нохойн чиглэлээр үйл ажиллагаа явуулдаг есөн байгууллага оролцсон тэмцээнийг ГЕГ-ын Эрэлч нохойн сургалтын төвөөс зохион байгуулна.

Пума импeриал зочид буудлын Б корпуст

10:00 цагаас ХЗДХЯ-наас "Ашгийн төлөө бус хуулийн этгээдийн тухай" хуулийн төслийн нээлттэй хэлэлцүүлгийг зохион байгуулах гэж байна.

Баянзүрх, Сүхбаатар, Чингэлтэй дүүргийн иргэний хэргийн шүүхэд

10:00цагаас Тамгын газраас “Иргэн таныг сонсъё” уулзалтыг зохион байгуулж, шүүхэд нэхэмжлэл гаргах, шүүхэд мэдүүлэх эрх, эвлэрүүлэн зуучлах үйлчилгээтэй холбоотой мэдээллийг иргэд, олон нийтэд өгнө. Мөн тус шүүхээр шийдвэрлэсэн хэрэг, маргааны 3 улирлын дүн мэдээг танилцуулна.

Монголын Худалдаа Аж Үйлдвэрийн Танхимын 1 давхрын танхимд

10:00 цагаас УБТЗ, ГЕГ, МХЕГ болон төмөр замаар үйлчлүүлэгч байгууллагуудын хамтарсан зөвлөгөөн болно. Зөвлөгөөний үеэр төмөр замын тээврийн тариф, зүтгүүр, вагоны хангалт, цемент болон аюултай ачаа, нефтийн бүтээгдэхүүний тээвэрлэлт зэрэг олон асуудлаар  ярилцана.

Байгаль орчин, аялал жуулчлалын яамны “Хаан танхимд”

10:00 цагаас Монгол Улсад усны салбар үүсч хөгжсөний 80 жилийн ойг тэмдэглэн өнгөрүүлэх төлөвлөгөөний хүрээнд зохион байгуулж байгаа үйл ажиллагааны талаар мэдээлэл өгөх зорилго бүхий хэвлэлийн бага хурал болно.

Стартап Маркетинг Спэйс төвд

11:00 цагаас "MARKETERS’ DAY 2018" арга хэмжээний хэвлэлийн бага хурал болно.

АТГ-т

11:00 цагаас АТГ-аас сар бүр зохион байгуулдаг ээлжит хэвлэлийн бага хурал болно.

Төрийн тусгай албан хаагчдын нэгдсэн эмнэлэгт

11:30 цагт Төрийн тусгай албан хаагчдын нэгдсэн эмнэлгийн түүхт 85 жилийн ойн баярын хурал болно.

Нээлттэй Нийгэм Форумын байранд

14:00 цагаас Нээлттэй Нийгэм Форумаас бодлого боловсруулагчид, судлаачид, иргэний нийгмийн байгууллагуудын төлөөллийн дунд санал солилцох зорилгоор зохион байгуулж буй “МОНГОЛ УЛСЫН 2019 ОНЫ ТӨСӨВ” сэдэвт цуврал уулзалт, хэлэлцүүлэг зохион байгуулагдана.