Монгол, Орос, Хятад гурван улсын аялал жуулчлалын сайд нарын хуралдаан Улаанбаатар хотноо Шангрилла зочид буудалд эхэлж байна. БНХАУ-ын санаачилгаар 2016 оноос зохион байгуулсан хуралдааны эхнийх нь Хөх хотод, хоёр дахь нь ОХУ-ын Буриадын Улаан-Үүд хотод болж байсан юм.

БНХАУ-ыг төлөөлж Соёл, аялал жуулчлалын сайд Луо Шуган, ӨМӨЗО-ны Аялал жуулчлалын хөгжлийн хорооны дарга Жинь И Пин тэргүүтэй хил орчмын мужийн захирагч нар, хувийн хэвшлийн төлөөлөгчид оролцож байна.

ОХУ-ыг төлөөлж Соёлын яамны Аялал жуулчлалын агентлагийн дарга О.П. Сафонов тэргүүтэй яам, орчмын мужийн захирагч нар, тур операторуудын төлөөлөгчид ороцно. Хурал өнөөдөр 09.00-12.00 цагийн хооронд Шангри-Ла зочид буудалд болох юм.

Харин маргааш 13.50-16.30 хүртэл Шангри-Ла зочид буудалд гурван улсын төлөөлөгч хил дамнасан аялал жуулчлалыг хэрхэн хөгжүүлэх талаар хэлэлцэж, холбогдох албан тушаалтнууд өөрсдийн орны туршлагаас хуваалцаж, илтгэл тавих юм байна.