“Улаанбаатар хотын ерөнхий төлөвлөгөөний төлөвлөлт болон хэрэгжүүлэх чадавхийг сайжруулах” төслийн Удирдах хорооны 7 дугаар хурал өнөөдөр НЗДТГ-т боллоо.
Хуралд НЗД-ын орлогч П.Баярхүү, Японы Олон улсын хамтын ажиллагааны байгууллагын төлөөллүүд болон Жайка Хот байгуулалт бүс нутгийн хөгжлийн хэлтсийн дарга Мүроока Наомичи, Жайка дэд төслийн ахлагч Ооба Сатору болон бусад холбогдох  албаны хүмүүс оролцлоо.

Төслийн удирдах хорооны хурлаар  БХБЯ, НЗДТГ болон Жайка-ийн төслийн баг Дэд төсөл-1, 2-ын явц, үр дүн, одоогийн нөхцөл байдлын талаар мэдээлэл хийлээ.
Монгол, Япон талууд тус төслийг хэрэгжүүлэхэд хамтын ажиллагаагаа  үргэлжүүлэхээ зөвшөөрч, төсөл дуусах хүртэлх хугацаанд  хийгдэх ажлуудын явцын талаар тайлагнаж, санал солилцлоо.