Сар шинийн баярын өдрүүдэд Хууль сахиулахын их сургуулийн 700 сонсогч цагдаагийн байгууллагад хүч нэмэгдүүлж ажиллахаар болжээ.

Тодруулба, тус сургуулийн захирал Ө.Энхтөрийн тушаалаар Цагдаагийн сургууль, Ахлагчийн сургуулийн 700 сонсогч энэ сарын 14-18-ныг хүртэл ажиллуулахаар нийслэлийн есөн дүүргийн цагдаагийн 14 хэлтэст хуваарилсан байна.

Сонсогчид сар шинийн баярын өдрүүдэд гэмт хэрэгтэй тэмцэх, нийтийн хэв журам сахиулах, олон нийтийн аюулгүй байдлыг хангах зорилгоор замын цагдаа болон улсын онц чухал объектын хамгаалалтад ажиллах аж.