Сүүлийн үеийн хүйтрэл, утааг үл ажран Замын цагдаа нар уулзвар,  замын түгжрэл ихтэй газруудад олноор ажиллаж буйг та бүхэн харж байгаа байх. Тэд бас маск зүүснийг ч ажиглаа биз. Тэгвэл "HAPPY" ХХК хүнд нөхцөлд ажил үүргээ гүйцэтгэж байгаа тэдэнд дахин ашиглах боломжтой РМ2,5 шүүлтүүртэй 800 ширхэг амны хаалт бэлэглэжээ. 

Тус компани зар сурталчилгааны чиглэлээр ч Замын цагдаагийн албатай тогтмол хамтран ажиллаж зам тээврийн осол, хэргээс урьдчилан сэргийлэх, иргэдэд ослын хор уршгийг ойлгуулах зорилго бүхий видео сэрэмжлүүлгийг Улаанбаатар хотын 5 дүүргийн  550 гаруй орон сууц болон албан байгууллагын цахилгаан шатанд байрлах ЛЕД дэлгэцээр дамжуулан олон нийтэд хүргэж байна.