Өчигдөр Нарантуул худалдааны төвийн хашаанд орших цахилгаан барааны павилонд гал гарсан галын шалтгааныг тогтоожээ. Эх сурвалжийн мэдээлснээр гал гарсан павьлионыг түрээслэгч А нь павьлиондоо зул асааж үлдээснээс гал алдаж, нийт 22 павьлион уг галд өртжээ. Цагдаа нар түрээслэгч А-г дуудаж мэдүүлэг авсан бөгөөд тэрбээр мэдүүлэгтээ павильондоо зул асааснаа унтраалгүй орхиж явсан гэдгээ хэлжээ. Хэрвээ А-н буруутай үйлдэл тогтоогдвол тэрбээр бүх хохирлыг төлж барагдуулах юм. Онцгой байдлын гурван анги бүрэлдэхүүн шуурхай ажиллаж галыг унтраасан. Галаас үүдсэн хохирлын хэмжээ хараахан тодорхой болоогүй байна.

Гэрэл зургийг: MPA.mn