Төмөр замын вокзалын хажууд байрлах "1000 машины зогсоол" буюу машины захыг мэдэхгүй хүн үгүй. Уг зогсоолын газар нь УБТЗ-ын мэдлийнх аж.

Тиймээс "1000 машины зогсоол"-ын газрыг УБТЗ-ын өмч гэдгийг Нийслэлийн засаг захиргаанаас баталгаажуулж газрын гэрчилгээ олгожээ. Шүүхийн шийдвэр гарсан, газрын гэрчилгээ олгогдсон тул одоо төмөр замчид газраа авч бүтээн байгуулалтаа эхэлнэ хэмээн Зам тээврийн дэд сайд Б.Цогтгэрэл олон нийтийн сүлжээнд бичсэн байна. Уг газарт Улаанбаатар төмөр замынхан орчин үеийн жишигт нийцсэн галт тэрэгний буудал барихаар төлөвлөжээ.