Нийслэлийн хөдөлмөр эрхлэлтийн газар, Сүхбаатар дүүргийн хөдөлмөр халамжийн үйлчилгээний хэлтэс, “Шинэ эхлэх цэг” ТББ-тай хамтран “Гарааны бизнесийг дэмжих” хөтөлбөрийг хэрэгжүүлэх ажлын хүрээнд Сүхбаатар дүүргийн 15-34 насны гарааны бизнес эхлэх хүсэлтэй залуучуудыг  3 үе шаттай арга хэмжээнд хамруулахаар боллоо. 

“Гарааны бизнесийг дэмжих” арга хэмжээнд баг болон оролцох бөгөөд түрүүлсэн шилдэг төсөлд 10 сая төгрөгийн санхүүжилтийг 24 сарын хугацаатай, 100% эргэн төлөгдөх нөхцөлтэйгээр олгох юм.  Үүнд:

1-р шат: Оролцогчдыг бүртгэж гарааны бизнес санааг баяжуулах, өрсөлдүүлэх, багаар ажиллаж, ирээдүйтэй бизнес санааг хөгжүүлэх, шилдэг гарааны бизнесийг сонгон шалгаруулах 54 цагийн /Start Weekend/ арга хэмжээ 2017 оны 11 дүгээр сарын 13-ний өдрөөс 15-ний өдөр зохион байгуулагдана.

2-р шат: “Бэлтгэл хурдасгуур” буюу /Pre- Accelerator/ 2017 оны 11 дүгээр сарын 26-аас 12 дугаар сарын 13-нд болох бөгөөд эхний байруудад шалгарсан төсөл хэрэгжүүлэгч, залуучуудад зориулсан арга хэмжээ.

3-р шат: Хөрөнгө оруулагчид олон нийтэд төслөө танилцуулах буюу /Demo day/ тус тус зохион байгуулагдана.

Бүртгэлийг “Smart up Mongolia” фейсбүүк, пейж хуудасны “Start-up weekend Mongolia” цэсэд 2017 оны 11 дүгээр сарын 12-ны 00 цаг хүртэл бүртгэх ба тодруулах зүйлээ 80060077-т холбогдон авч болно.

Сүхбаатар дүүргийн ХХҮХ, Хөдөлмөр эрхлэлтийн алба