Нийслэлийн Засаг даргын харьяа агентлагуудын удирдлагууд  14 хоногт нэг удаа тогтмол хуралдаж хоорондын уялдаа холбоо, ажлын явцаа хэлэлцэж, асуудлуудаа шийдвэрлэдэг билээ. Тэгвэл өнөөдөр Нийслэлийн Засаг даргын орлогч П.Баярхүүгээр ахлуулсан харьяа агентлагийн удирдлагууд хуралдаж, 2017 оны үндсэн чиглэлийн гүйцэтгэл, 2018 онд салбар бүртээ тусгасан ажлуудыг  хэлэлцлээ. Тус хурлаар энэ ондоо хийгдэж дуусах ажлын явцууд, тулгарч буй асуудлууд болон яаралтай шийдвэрлэх асуудлуудыг хэлэлцэж, шаардлагатай арга хэмжээнүүдийг авч ажиллахыг холбогдох албаныханд үүрэг болголоо. 

Мөн Нийслэлийн Засаг даргын орлогч П.Баярхүү харьяа газрын удирдлагуудад хоорондын уялдаа холбоогоо улам сайжруулж, мэдээлэл солилцох үйл явцаа хурдасгах, мэдээллийн урсгалаас болж ажил удаашрах явдал гарч байгаа тул энэ тал дээр анхаарч ажиллахыг үүрэг болголоо.