Нийслэлийн Баянзүрх дүүргийн 133 дугаар сургуульд хичээллэхээр бүртгүүлсэн хүүхдүүд өнөөдрийг хүртэл сургуульдаа явж чадахгүй хүлээсээр байсан. Тэгвэл өнөөдөр тус сургууль нээлтээ хийлээ.

Баянзүрх дүүргийн 26 дугаар хороонд улсын гэх тодотголтой нэг ч сургууль, цэцэрлэг, эмнэлэг байдаггүй. Ачааллаа дийлдэггүй өрхийн эмнэлгийг эс тооцвол. Тус хороонд 11.000 иргэн амьдардаг гэсэн тоо байдаг ч одоо энэ тоо хэд хүрч нэмэгдсэнийг мэдэхгүй. Өнгөрсөн 2016 оны зун 26 дугаар хороонд үйл ажиллагаа явуулдаг “Женерал Тек” ХХК өөрсдийн эзэмшлийн барилгын талбайгаас сургууль барих газар гаргаж өгснөөр Ерөнхий боловсролын 133 дугаар сургуулийг барилгатай болгох боломж бүрдсэн юм.