НИТХ-ын хуралдааны үеэр АН-ын бүлэг завсарлага авах хүсэлт гаргаснаар нэг цаг завсарлахаар боллоо.

Завсарлага авах шалтгаанаа нэр дэвшигчтэй холбоотой асуудал байна хэмээн тайлбарлалаа. НИТХ-ын XI хуралдаан дөнгөж сая эхэллээ. Хуралд 41 гишүүн ирсэн байна.Тэд НИТХ-ын даргыг сонгох юм.

Есдүгээр сарын 22-нд анх хуралдаж эхэлсэн уг хурлаар НИТХ-ын даргыг сонгох ёстой байсан ч шийдэлд хүрч чадаагүй.

Учир нь НИТХ-ын даргад нэр дэвшигчид болох С.Амарсайхан, Д.Баярсайхан нарын саналын тоо тэнцсэн тул НИТХ дахь МАН тав хоногийн завсарлага авсан билээ.

Уг завсарлагын хугацаа есдүгээр сарын 29-нд дуусах байсан ч ажлын бус цагтай таарч байгаа тул НИТХ-ын хуралдааныг дахин хойшлуулж өнөөдөр хийхээр болсон. НИТХ-ын даргаар хэн сонгогдох нь өнөөдөр тодорхой болно.