Чингэлтэй дүүргийн 25 жилийн ойн хүрээнд төрийн үйлчилгээг иргэдэд ойртуулах үүднээс дүүргийн Өмч, газрын харилцааны алба болон 16 дугаар хорооны саналыг харгалзан, дүүргийн 2017 оны газар зохион байгуулалтын төлөвлөгөөний дагуу суурьшлын бүсэд олон жил амьдарч буй иргэдэд газар эзэмших эрхийн гэрчилгээг олголоо.

Гэрчилгээг дүүргийн Засаг дарга Ж.Эрдэнэбат, Өмч, газрын харилцааны албаны дарга Ж.Мөнх-Эрдэнэ, 16 дугаар хорооны ИНХ-ын дарга Н.Сэргэлэн, Засаг дарга Т.Идэрцагаан нар иргэдэд гардуулж өглөө.