Баянзүрхийн дүүргийн 14 дүгээр хороо халдвартын автобусны эцсийн зогсоол Цагаанхуаран хотхоны урд талын 1,2 км автозамын нээлтийн үйл ажиллагаа өнөөдөр боллоо.

Нээлтийн үйл ажиллагаанд УИХ-ын гишүүн Б.Саранчимэг, НЗД-ын орлогч П.Баярхүү, НАЗХГ-ын дарга Ж.Тогтохбаяр болон бусад албаны хүмүүс, иргэд оролцлоо.

Нээлтийн үеэр НЗД-ын орлогч П.Баярхүү “Нарантуул худалдааны төв орчим  хөдөлгөөний эрчим, түгжрэл ихтэй. Тус зам ашиглалтад орсноор замын хөдлөгөөний түгжрэлийг бууруулахад чухал ач холбогдолтой юм. Энэ зам нь цааш Офицеруудын ордны аюулгүйн тойрогтой холбогдоно. Харин босоо чиглэлдээ Баянзүрх дүүргийн ЗДТГ-аас Нарны гүүр, урагшаа нүхэн гарцаар гараад Дүнжингаравын замтай тус тус холбогдоно” хэмээлээ.

Ашиглалтад орж буй замыг Бумбатдаваа, Лордскай компаниуд тус тус хийж гүйцэтгэсэн байна. 

гэрэл зургийг mpa.mn-ээс