Өнөөдөр нутгийн зүүн хагаст бороо орох тул гэнэтийн үер ус, мөндөр, нөөлөг салхины аюулаас сэрэмжтэй байхыг малчид, иргэдэд анхааруулж байна. 

Өглөө 05 цагт Улаанбаатарт: 8 хэм дулаан, харьцангуй чийг 90 хувь, агаарын даралт 869 гектопаскаль байлаа. Даралт өдөртөө тогтвортой байна. Харин өдөртөө үүлэрхэг 12-14 хэм дулаан байна. Бороо орно. Салхи баруун хойноос секундэд 6-11 метр.

Төв болон зүүн аймгуудын нутгаар үүлэрхэг, бусад нутгаар солигдмол үүлтэй. Төв болон зүүн аймгуудын  ихэнх нутаг, говийн аймгуудын нутгийн хойд хэсгээр бороо орно. Дуу цахилгаантай. Салхи баруун хойноос секундэд 5-10 метр, зарим газраар секундэд 14-16 метр хүрч ширүүснэ. Алтай, Хангай, Хөвсгөл, Хэнтэйн уулархаг нутгаар 9-14 градус, говийн бүсийн өмнөд хэсгээр   22-27 хэм, бусад нутгаар 15-20 хэм дулаан байна.