Нийслэл хотод автомашины зогсоолын хүрэлцээ муу, зогсоолын талбай хүрэлцдэггүй, зогсоолын эгнээ хооронд болон зориулалтын бус газарт машин байрлуулдаг, замын зорчих хэсэг болон явган хүний замыг зогсоолыг зориулалтын бусаар ашиглах зэрэг зөрчлүүд түгээмэл байдаг. Үүний нэгэн жишээ гэвэл Зайсан толгойн урд байрлах “Zaisan square center”-ийн хойно үйлчилгээ үзүүлж буй худалдаа үйлчилгээний цэгийн автомашины зогсоолын хэсгийг хаасан байна. Эдгээр өдрүүдэд  Зайсангийн ХААИС-ийн хойд уулзварыг өргөтгөж байгаа тул тэр хавийн замын хөдөлгөөн эрч удааширч, түгжрэл үүсчээ. Зайсан толгойн ойр орчим бол байнгын хөл хөдөлгөөн ихтэй байдаг бүс. Иргэдийн хувьд хамгийн ойрхон салхинд гарч болох энэ бүсэд машин тавих зогсоол олдохгүй, төлбөртэй зогсоолын үнэ өндөр байгаад ихэд бухимдалтай байгаа нь харагдаж,  дээрх зогсоолыг зориулалтаар нь ашиглахыг шаардаж байлаа. Иймээс холбогдох албаныхан анхааралдаа авч зогсоолыг зориулалтаар нь ашиглах тал дээр анхаарч ажиллана уу.