Онцгой байдлын ерөнхий газрын даргын А/171 тушаалын хүрээнд ойн түймрийн голомтод олон хоног ажилласан алба хаагчдийг ОБЕГ-ын харьяа Давтан сургалт, сэргээн заслын төвийн “Жаргалант” сэргээн засах сувилалд сэргээн засах эмчилгээнд хамруулж байна гэж Онцгой байдлын ерөнхий газраас мэдээллээ.

Тус сэргээн засах сувилал эхний ээлжинд 30 алба хаагчийг хүлээн авч, сэтгэлзүй, сэргээн заслын эмчилгээ үйлчилгээг үзүүлсэн байна. Одоо хоёрдугаар ээлжинд 31 алба хаагчийг хүлээн авчээ. Тодруулбал, Хэнтий аймгийн Онцгой байдлын газрас 13 алба хаагч, Дархан-Уул аймгийн Онцгой байдлын газраас 2 алба хаагч, ОБЕГ-ын харьяа Аврах тусгай ангиас 6 алба хаагч, нийслэлийн Онцгой байдлын газраас 10 албан хаагч “Жаргалант” сувилалд хэвтэн сэтгэлзүй, сэргээн заслын эмчилгээ хийлгэж байгаа аж.