Автотээврийн үндэсний төвөөс дотоодын ачаа тээврийг нэгдсэн зохицуулалтад оруулан тээш хадгалах, хүлээн авах, гардуулах шинэ үйлчилгээг өнөөдөр албан ёсоор нээлтээ хийлээ.

Өмнө нь иргэдийн ачаа тээшийг хувиараа тээвэр эрхлэгчид “дайвар” маягаар зөөвөрлөдөг байсан бол тус үйлчилгээг нэгдсэн зохион байгуулалтад оруулж, даатгалтай, баталгаатай тээвэрлэлт хийгдэж байгаагаараа энэхүү шинэ үйлчилгээ онцлогтой юм байна.

Үйлчилгээг нэвтрүүлснээр иргэдийн ачаа тээш “Монгол шуудан" компанийн Улаанбаатар хот дахь 38, орон нутаг дахь 389 салбараар дамжин Монгол улсын бүх сум сууринд шуурхай, найдвартай хүрэх юм.