Малчид, иргэдэд зориулсан мэдээ: Өнөөдөр нутгийн зүүн хэсгээр бороо орж, ихэнх нутгаар сэрүүснэ.

2017 оны 06 дугаар сарын 06-ны 08 цагаас 20 цаг хүртэл: Нутгийн зүүн хэсгээр үүлэрхэг, бусад нутгаар солигдмол үүлтэй. Зүүн аймгуудын нутгийн зүүн өмнөд хэсэг, говийн аймгуудын зүүн хэсгээр бороо орно. Салхи баруун хойноос секундэд 7-12 метр.  Сэрүүсч Дархадын хотгор болон Хөвсгөл, Хэнтэйн уулс, Онон, Улз голын сав нутгаар 13-18 хэм, Алтай, Хангайн уулархаг нутаг, Орхон-Сэлэнгэ, Туул,Тэрэлж, Хараа, Ерөө голын сав газар,  Хүрэн бэлчир орчмоор 16-21 хэм,  Алтайн өвөр говиор 24-29 хэм, бусад нутгаар 19-24 хэм дулаан байна.

УЛААНБААТАР ХОТ: Үүлшинэ. Бороо орохгүй. Салхи баруун хойноос секундэд 6-11 метр. Өчигдрөөс сэрүүсч 17-19 хэм дулаан байна.

2017 оны 06 дугаар сарын 07-ноос 06 дугаар сарын 11-нийг хүртэлх
цаг агаарын урьдчилсан төлөв

7-нд төв болон зүүн аймгуудын нутгийн хойд хэсгээр бага зэргийн бороо, 8-нд баруун аймгуудын нутаг, зүүн аймгуудын нутгийн зүүн хэсгээр, 9-нд нутгийн баруун хагаст, 10-нд зарим газраар бороо орно. Салхи 7-нд Алтайн салбар уулсаар, 8-нд зарим газраар, 9-нд говь, талын нутгаар секундэд 14-16 метр хүрч ширүүснэ. Дархадын хотгор, Хангай, Хөвсгөл, Хэнтийн уулархаг нутгаар шөнөдөө 1 градус хүйтнээс 4 градус дулаан, өдөртөө 15-20 градус, говийн бүс нутгийн өмнөд хэсгээр шөнөдөө 11-16 градус, өдөртөө 25-30 градус, бусад нутгаар шөнөдөө 5-10 градус, өдөртөө 19-24 градус дулаан байна.