Баянгол дүүргийн 2 дугаар хороо “Гранд плаза” дэлгүүрийн зүүн талд иргэн М-ийн эзэмшлийн нийтийн эзэмшлийн зам талбай, явган хүний зам хааж зөвшөөрөлгүй барьсан хашааг өнөөдөр буулгаж газрыг чөлөөллөө.

Газрын тухай хуулийн хэрэгжилтийг хангах, нийслэлд газрыг зөрчил арилгах  үйл ажиллагааг эрчимжүүлэх, нийтийн эзэмшлийн газар ашиглалтыг сайжруулах зорилгоор “Газрын зөрчил арилгах нэгдсэн арга хэмжээ”-г зохион байгуулж эхлээд байгаа юм.

Энэ арга хэмжээний хүрээнд эзэмшил, ашиглалтад байгаа газраа зөвшөөрөлгүйгээр сунгаж, нийтийн эзэмшлийн зам, талбайг хашсан 341 иргэн, хуулийн этгээдийн байгаа бөгөөд тэдгээр мэдэгдэх хуудас хүргүүлээд байгаа аж. 

Мэдэгдэх хуудас хүргүүлсэн ч газраа чөлөөлөөгүй иргэн, аж ахуйн нэгжийн зөрчлийг ийнхүү арилгаж эхэллээ.