Агаарын бохирдлыг бууруулах бодлогын хүрээнд Засгийн газрын 214 дүгээр тогтоолын дагуу гэр хорооллын 110 гаруй мянган өрхийн цахилгааны шөнийн тарифыг тэглэсэн. Тус хөнгөлөлтөд Нийслэлийн агаарын чанарыг сайжруулах бүсэд хамааралгүй байсан есөн хорооны 27 мянган айл өрхийг нэмж хамруулахаар болжээ.

Гэр хорооллын айл өрхийн цахилгааны шөнийн тарифын тэглэлт ирэх сарын нэгнийг хүртэл үргэлжлэх юм.

Тогтоол хэрэгжсэн хоёр сарын хугацаанд нийт 1.5 тэрбум төгрөгийг хөнгөлөлт болгон олгосон байна.