УИХ-ын ээлжит бус чуулган гуравдугаар сарын 6-нд хуралдахаар болжээ. Олон улсын валютын сан /ОУВС/-гийнхан манай улсад ирж ажиллаад, Өргөтгөсөн санхүүжилтийн хөтөлбөрийг хэрэгжүүлэх болсон тухай Ажлын хэсэг дүгнэлтийг танилцуулсан билээ.

 

Энэ асуудлын хүрээнд ОУВС-аас Монгол банк мөнгөний бодлого барих ёстой гэж үзсэн учраас ипотекийн зээлийг Монгол банкнаас холдуулж Засгийн газарт шилжүүлэх. Улсын төсөвт тодотгол хийж, алдагдлыг бууруулах, хэрэгцээгүй зардлуудаа танах. Санхүүгийн секторт чинь шинжилгээ хийж санхүүгийн мэдээллийг ил тод болгож хаана ямар алдаа дутагдал гараад байгааг ил тод болгохыг шаардсан юм.