Автозамын хөдөлгөөний ачааллыг бууруулах зорилгоор дугаарын хязгаарлалт хийгдэх өдрүүд буюу ирэх бямба, ням гаригт тодорхой суурьшлын цэгүүдээс “Нарантуул” худалдааны төв рүү их багтаамжийн автобус 10:00,12:30,15:00 цагт иргэдэд үйлчлэхээр боллоо.

Энэ өдрүүдэд иргэдэд үйлчлэх 11 автобусаар том хүн 1000, хүүхэд 200 төгрөгийн тарифаар үйлчлүүлнэ.

Дугаарын хязгаарлалттай өдрүүдэд Орбит-Нарантуул зах, Нарангийн гол-Нарантуул зах, ХМК-Нарантуул зах, Баянхошуу-Нарантуул зах, Нисэх-Нарантуул зах, Яармаг-Нарантуул зах, Дэнжийн 1000-Нарантуул зах, Чингэлтэй-Нарантуул зах, Бэлх-Нарантуул зах, Шархад-Нарантуул зах, Улаанхуаран-Нарантуул зах гэсэн чиглэлийн том оврын нийтийн тээврийн автобусууд үйлчилнэ.