Нийслэлд нийтийн тээврийн үйлчилгээ эрхэлдэг аж ахуйн нэгжүүдийн үйл ажиллагаатай танилцах, иргэдээс ирсэн санал, гомдлыг барагдуулалтыг нөхцөл байдалтай танилцах  зорилгоор ажлын хэсэг гаргажээ.

Энэ ажлын хүрээнд өнөөдөр буюу  2017 оны 01 дүгээр сарын 20-ны өдөр Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү ажлын хэсгийн хамт  нийтийн тээврийн үйлчилгээ эрхэлдэг  “Эрдэм Транс”, “Тэнүүн Огоо”, “Терминал транс”, “Атибус” , “Сутайн буянт” зэрэг  аж ахуйн нэгжүүдийн үйл ажиллагаатай танилцаж, удирдлагуудын санал бодлыг солилцлоо.

Нийслэлийн зүгээс нийтийн тээврийн соёлч байдал, цэвэр орчин бүрдүүлэх, нийтийн тээврийн аюулгүй байдлыг хангаж ажиллах, иргэдээс ирсэн санал, гомдлыг барагдуулах  тал дээр анхаарал хандуулан ажиллаж  байгаа бөгөөд нийтийн тээврийн аж ахуйн нэгжүүдийн зүгээс цаашид энэ тал дээр хамтран ажиллах, иргэдийн гомдлыг цаг тухайд нь барагдуулж, цэвэрч орчин бүрдүүлэн  ажиллахад бэлэн байгаагаа илэрхийллээ.