Нийслэл хотын иргэдийг бухимдуулсан асуудлын нэг нь замын түгжрэл байдаг.  Замын түгжрэлийг бууруулахын тулд холбогдох албаныхан ачаалал ихтэй газруудыг камержуулж, дугаарын хязгаарлалт хийн янз бүрийн арга хэрэглэсэн билээ. Тэгсэн ч түгжрэл иргэдийг бухимдуулсан хэвээр байна.  Тэгвэл иргэд бусдын автомашиныг хаан, холбоо барих утасны дугаараа үлдээгүй явсан тээврийн хэрэгслийн талаарх гомдлоо Авто тээврийн үндэсний төвийн 1900-1234 гэсэн лавлах утас руу залгаж, хэлэх боломжтой болжээ.

Энэхүү үйлчилгээг иргэд ажлын өдрүүдэд 07.00-22.00, бямба, ням гаригт 08.00-20.00 цагт авах боломжтой аж. Авто тээврийн үндэсний төвийн Хөдөлгөөний хяналтын хэлтсийн мэргэжилтнүүдийн хэлж буйгаар тус төвд өдөрт дунджаар 80-120 үйлчлүүлэгч ханддаг бөгөөд баяр ёслолын үеэр ачаалал нь 2-3 дахин нэмэгддэг гэлээ.