Хан-Уул дүүргийн ИТХ-ын хоёрдугаар хуралдаан болж байна
Хан-Уул дүүргийн ИТХ-ын ээлжит II хуралдаан өнөөдөр 09:00 цагт дүүргийн Иргэний танхимд эхэллээ.
Хуралдаанд Хан-Уул дүүргийн Засаг дарга Ж.Алдаржавхлан, Хан-Уул дүүргийн ИТХ-ын дарга Г.Цэрэн болон ИТХ-ын 19 төлөөлөгч нар оролцож байна. Тус хуралдаанаар Хан-Уул дүүргийн эдийн засаг, нийгмийг 2017-2020 онд хөгжүүлэх Засаг даргын үйл ажиллагааны хөтөлбөр, 2017 оны зорилт, Дүүргийн 2016 оны газар зохион байгуулалтын төлөвлөгөөний биелэлт, 2017 оны төлөвлөгөөний тухай, Дүүргийн 2016 оны Орон нутгийн төсөвт тодотгол хийх тухай, Дүүргийн 2017 оны Орон нутгийн төсвийн тухай хэлэлцэх юм. Хурлыг Хан-Уул дүүргийн ИХТ-ын дарга Г.Цэрэн удирдан явуулж байгаа бөгөөд хурлын эхэнд хуралдааны дэгийг баталж, хурлын хороодыг байгуулж, гишүүдийг сонголоо.
Хуралдаан 15 цаг хүртэл үргэлжилнэ.