Багануур дүүргийн 64 дүгээр сургуулийн хашаанд 11 дүгээр сарын 30-ны өдрийн орой шилүүсний зулзага ногуул орж ирсэн байна.  Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 64 дүгээр ангийн 6 албан хаагч, 1 автомашин, Цагдаагийн хэлтсээс 8, Мэргэжлийн хяналтын хэлтсээс 1 хүн, Зооноз өвчин судлалын төвөөс 2, Мал эмнэлгээс 1 эмч тус тус ажиллаж, төмөр торонд хийн аюулгүй болгож, байгаль орчны байцаагчид хүлээлгэн өгөхөөр болжээ.  Сургуулийн хашаанд орж ирсэн шилүүсийн зулзага ногуулын нэг хөл нь гэмтсэн байсан бөгөөд хавханд орж гэмтсэн болохыг нь тогтоосон гэж эх сурвалж мэдээллээ.