“Хот тохижилтын газар” ОНӨААТҮГ нь нийслэл хотын 337 км автозамын цэвэрлэгээ, арчлалтын ажлыг хариуцан ажилладаг. Замын цэвэрлэгээг уламжлалт аргаар буюу дэрсэн шүүрээр цэвэрлэхийн зэрэгцээ зам цэвэрлэгээний тусгай зориулалтын машин мөн механик шүүр ашиглан тус тус явуулж байна. Тус газрын тохижилт үйлчилгээний алба 215 зам талбайн үйлчлэгчтэйгээр ажиллаж байгаа бөгөөд одоогийн байдлаар зам цэвэрлэгээний зургаан машин, нийт 43 ширхэг механик шүүр үйл ажиллагаандаа ашиглаж, зам талбайгаа цэвэрлэж байна.