Төмөр замын цагдаагийн газраас галт тэрэгний хөдөлгөөнд саад учруулсан жолоочийн зөрчлийг шалгаж эхэлжээ. Энэ сарын 17-нд Замын цагдаагийн газрын баруун урд уулзвараас Баянмонгол хорооллын уулзвар хүртэлх автозам болон төмөр замын огтлолцолд зам түгжрэн, нэг машин галт тэрэгний гармыг хааж зогссон.

Улмаар хөдөлгөөн эхлүүлсэн галт тэрэгний машинист яаралтай арга хэмжээ авч, вагоноо зогсоосон.

Төмөр замын аюултай бүс рүү нэвтэрч зам хааж зогссон автомашины жолоочийн буруугаас болж ийм нөхцөл байдал үүссэн учир зөрчлийг шалгаж эхэлсэн байна.