"Спортлог-Улаанбаатар" арга хэмжээнд Хан-Уул дүүрэг нийслэлийн 9 дүүргээс 3 дугаар байр эзэллээ
Нийслэл Улаанбаатар хот үүсэн байгуулагдсаны 377 жилийн ойд зориулан жил бүр уламжлал болгон зохион байгуулагддаг “Спортлог Улаанбаатар” арга хэмжээнд Хан-Уул дүүргийн иргэд, тамирчид идэвхитэй оролцож, нийт дүнгээр нийслэлийн есөн дүүргээс гуравдугаар байр эзэллээ. Спортлог Улаанбаатар өдөрлөгт Нийслэлийн ИТХ-ын төлөөлөгч Ё.Цацралтуяа, дүүргийн Биеийн тамир спорт хорооны дарга Б.Мөнх-Эрдэнэ болон Хан-Уул дүүргийн 16 хорооны 400 гаруй иргэд оролцсон юм. Хан-Уул дүүргийн хувьд 2016 онд Засаг даргын захирамжийн дагуу зохион байгуулсан Иргэдийн Спортын 5 дугаар их наадмыг спортын 7 төрлөөр зохион байгуулсан юм. Хан-Уул дүүргээс зохион байгуулсан тус тэмцээний явган аялалын төрөлд тэргүүн байрыг Ё.Цацралтуяа засагдаргатай 8 дугаар хорооны баг тамирчид, хоёр дугаар байранд н.Сарангуй засаг даргатай 16 дугаар хорооны баг тамирчид, гуравдугаар байрыг Ч.Наранцэцэг засаг даргатай 2 дугаар хорооны баг тамирчид эзэлсэн бол ширээн шагайн наадгайн төрөлд Г.Батсуурь засаг даргатай 14 дүгээр хорооны баг тамирчид 1 дүгээр байр, Энхтүвшин засаг даргатай 9 дүгээр хорооны баг тамирчид 2 дугаар байр, н.Сарангуа засаг даргатай 16 дугаар хорооны баг тамирчид 3 дугаар байрыг тус тус эзэлж, энэ үеэр шагналаа гардан авлаа. Мөн Спортлог-Улаанбаатар арга хэмжээний үеэр Хан-Уул дүүргээс олон төрлийн сонирхолтой тэмцээн уралдааныг зохион байгуулсан юм.