Монголын багш нарын баярын 50 дахь өдөр, Нийслэлийн боловсролын газрын 85 жилийн ой, Хан-Уул дүүргийн багш нарын баярын ёслолын арга хэмжээ өнөөдөр Монголын хүүхдийн ордонд 14 цагт боллоо.

Тус арга хэмжээнд Нийслэлийн ХУД-ийн Засаг дарга Ж. Ганхуяг, НБГ-ын орлогч дарга Л.Дашдэмбэрэл, ХУД-ийн засаг даргын орлогч С.Баасандолгор, ХУД-ийн ЗДТГ-ын НХХ-ийн дарга Б. Булган, ХУД-ийн БХ-ийн дарга С.Эрдэнэчимэг, ХУД-ийн боловсролын хэлтсийн ахмад мэргэжилтэн Ц.Оюунцэцэг, МУ-ын гавьяат багш Б.Баяжих, МУ-ын гавьяат багш С.Майдаржав, МУ-ын гавьяат багш Х.Дагийсүрэн, болон Хан-уул дүүрэгт үйл ажиллагаагаа явуулдаг сургууль, цэцэрлэгийн нийт 700 гаруй багш хүрэлцэн ирсэн юм. Тус арга хэмжээг нээж Хан-Уул дүүргийн Засаг дарга Ж.Ганхуяг хэлсэн үгэндээ “Өнөөдрийн байдлаар Хан-Уул дүүрэгт төрийн болон төрийн бус өмчийн 108 цэцэрлэгт 14129 хүүхэд, 31 сургуульд 24896 сурагчид сурч хүмүүжиж, 2180 багш ажиллаж байна. Дүүргийн зүгээс боловсролын чанар, хүртээмжийг нэмэгдүүлэхэд онцгой анхаарч сурагчдын эрүүл, аюулгүй орчинд сурч хүмүүжих, багш нарынхаа мэдлэг чадварыг дээшлүүлэхэд зориулж, 2014 оноос эхлэн “Хүүхдэд ээлтэй Хан-Уул” хөтөлбөрийг боловсруулан амжилттай хэрэгжүүлж байгааг та бүхэн мэднэ. Энэхүү хөтөлбөрийн үр нөлөө сургууль, цэцэрлэгүүдийн ололт амжилтад эхнээсээ нөлөөлж байгаа гэдэгт би итгэлтэй байна.” хэмээлээ.