Ерөнхий боловсролын сургуулийн ахлах ангийн сурагчдад болзошгүй гамшиг, ослоос урьдчилан сэргийлэх, бэлэн байдлаа хангах, өөртөө болон бусдад тусламж үзүүлэх анхан шатны мэдлэг олгох зорилготой "Өсвөрийн аврагч" тэмцээнийг Дүүргийн Онцгой байдлын хэлтэс, Дэлхийн зөн-Монгол ОУБ, Улаан загалмайн хороо, Боловсролын хэлтэс, Хүүхэд гэр бүл хөгжлийн төв хамтран зохион байгууллаа. Уг тэмцээний нэг гүйцэтгэл болох гараанаас дотогш 8 метрийн гол талбай руу аврах цагираг шидэх төрлийн тэмцээнийг Усан спорт сургалтын төвтэй хамтран амжилттай зохион байгуулсан юм.