Хан-Уул дүүргийн долдугаар хороонд wifi төхөөрөмж суурилуулжээ. Долдугаар хороо энэхүү төхөөрөмжөө илүү өргөн цар хүрээнд цацах зорилгоор wifi цацагч 2-3 төхөөрөмжийг нэмж тавих ажлыг эхлүүлээд байна. Ингэснээр тус хорооны нийт 1469 өрх, 4691 иргэд бүгд интернетэд холбогдох юм.

Үүнээс гадна тус хороо ИНХ-ын төлөөлөгч нартай хамтраад иргэдэд мессэжээр мэдээлэл хүргэх програмыг суулгах тоног төхөөрөмжийг шийдэж, мэдээлэл түгээхэд бэлэн болоод байна. “ИНХ-аас шийдвэрлэж өгсөн дээрх ажлуудын хувьд wifi тавих, мессэж хүргэх төсөв мөнгийг шийдээд өнгөрсөн мэт боловч цаанаа иргэдэд чиглэсэн маш том ажил болсон” хэмээн долдугаар хорооны засаг дарга А.Мөнх-Амгалан ярьж, ИНХ-ын дарга Э.Түвшинд талархал илэрхийлжээ.