Хичээлийн шинэ жил эхэлж байгаатай холбогдуулан автомашины түгжрэлийг бууруулах зорилгоор автомашины улсын дугаарын сүүлчийн орон тэгш тоогоор (0, 2, 4, 6, 8) төгссөн автомашин 08 дугаар сарын 20, 27-ны Бямба гарагуудад, сондгой тоогоор (1, 3, 5, 7, 9) төгссөн автомашин 08 дугаар сарын 21, 28-ны Ням гарагуудад өглөөний 08.00 цагаас 20.00 цагийн хооронд  зуны хязгаарлалтын бүсэд замын хөдөлгөөнд оролцуулахаар болсон байна.

Мөн төвлөрсөн зах, худалдааны төвүүд рүү чиглэсэн авто замын хөдөлгөөний ачааллыг бууруулах зорилгоор хичээлийн шинэ жилийн өргөтгөсөн худалдааг дүүрэг бүр нутаг дэвсгэртээ 5-аас дээш газарт төлөвлөн зохион байгуулж ажиллахыг Улаанбаатар хотын Захирагчийн ажлын албанд, дүүргүүдийн Засаг дарга нарт үүрэг болгожээ.