Улаанбаатар хотод хүчтэй аадар бороо, мөндөр орсны улмаас хотын төв хэсэг усанд автав. Дөнгөж өчигдөрхөн нээлтээ хийсэн EMART дэлгүүрийн ойролцоо буюу Сансарын тунел уруудах замд үер бууж, машины хамар даван хөдөлгөөнд оролцох боломжгүй болгов. Иймд замын хөдөлгөөнийг түр хааж, машинуудыг чөлөөлсөн юм. Хорь гаруй минутын ширүүн бороо, багахан хэмжээний мөндөр орсон ч Улаанбаатар хот маань явган хүн байтугай машин явахын аргагүй болтлоо усанд автав. Автозамын ус зайлуулах хоолойны асуудлыг яаралтай шийдэх шаардлагатайг иргэд хэлж байлаа.