Нүүрсийг боловсруулан чанарыг сайжруулах, хагас болон гүн боловсруулж, нүүрс-химийн үйлдвэрлэлийн үндсэн суурийг тавина. Ардчилсан нам өнгөрсөн дөрвөн жилд аж үйлдвэрийн салбарыг хөгжүүлж, бүтээн байгуулалт эхлүүлээд байгаа. Тодруулбал, зэс боловсруулах үйлдвэрийн ТЭЗҮ-ийг хийсэн бол ган боловсруулах үйлдвэрт хөрөнгө оруулалт хийгээд байгаа юм. Цаашдаа аж үйлдвэрийн салбарт хийсэн бүтээн байгуулалт, хөрөнгө оруулалтаа нэмэгдүүлэн нүүрс боловсруулах үйлдвэрүүдийг барьж байгуулахаар төлөвлөөд байна. Тодруулбал, Өмнөговь аймгийн Тавантолгойн нүүрсний ордыг түшиглэн жилд 300 мянган тонн нүүрсийг ус хэрэглэхгүйгээр элс ашиглан баяжуулах дэвшилтэт технологи бүхий үйлдвэрийг 2018 онд ашиглалтад оруулна. Багануурын уурхайг түшиглэн жилд 50 мянган тонн хагас коксон брикетен түлш үйлдвэрлэх дэвшилтэд технологи бүхий  үйлдвэрийг 2020 онд ашиглалтад оруулна.
 Шивээ-Овоогийн нүүрсний ордыг түшиглэн жилд 34 сая тонн нүүрс олборлох томоохон уурхайг байгуулна. Ингэснээр 9240 МBm-ын цахилгаан станцыг нүүрсэр хангах боломж бүрдэж, 3500 гаруй байнгын ажлын байр бий болно.